أرض الفيروز
-----------
شغلت قلبى صبيه
عليها جمال فتان
حلاوه فى خفة دمها
والكل مِنــَّها غيران
واخده الهوا فى حضنها
والميه والشطآن
والشمس بتمشط شعرها
والقمر يملأ الأركان
فارشه المصليه
بتعبد الرحمن
وموسى الكليم على ارضها
سمع ندا الرحمن
والموجه مَعَدّيَّه
والمراكب بتنشد لها ألحان
قلت مين العسل ديِّه ؟؟
أم العيون غزلان
قالو دى - فيروز
قلعة الايمان
وبعد الجمال والترف
ذاقت من الحرمان
نكشت شعرها
وبتعانى من السجان
يا زهرة فين حسنك؟؟
وفين جمالك الفتان؟؟
كانت ياناس ورده على الشاطئ
بجمالها تغازل الشبان
اليوم أصبحت باكية
وبين البلاد تتهان
شاعرثورة مصرية
